"İran Azərbaycan da daxil olmaqla regiondakı dövlətlərin ərazi bütövlüyünü dəstəkləyir və dövlətlərin sərhədlərinin dəyişməsinin əleyhinədir". Modern.az xarici mediaya istinadən xəbər verir ki, bunu İranın xarici işlər nazirinin müavini Seyid Məhəmməd Kazım Səccadpur bildirib.
Nazir müavini qeyd edib ki, rəsmi Tehran ilə rəsmi Bakı arasındakı münasibətlər yüksələn xətlə inkişaf edir və bu hər iki dövlətin maraqlarını əks etdirir. Qarşılıqlı faydalı əməkdaşlığın böyük perspektivi var. İran qonşuları ilə əlaqələrini genişləndirməyi xarici siyasətinin prioritet istiqaməti hesab edir.
