Fələstinin dövlət başçısı Mahmud Abbasın sağlamlığının həddindən pis olduğu ilə bağlı verilən xəbərlər dezinformasiya çıxıb.
Modern.az xarici KİV-ə istinadən xəbər verir ki, Fəth Hərəkatının Mərkəzi Komitəsinin üzvü Hüseyn eş-Şeyx bu xəbərləri şayiə adlandırıb.
Qeyd edək ki, İsrail mətbuatında Fələstinin dövlət başçısı Mahmud Abbasın ABŞ-da yerləşən bir xəstəxanada müalicə aldığına dair xəbərlər verilib. Hüseyn eş-Şeyx xəbərləri təkzib edərək bildirib ki, Mahmud Abbasın vəziyyəti olduqca yaxşıdır.
"Xəstəxanaya ümumi yoxlamadan keçmək üçün gedib. Buna səbəb onun mədəsində narahatlıq keçirməsi olub".
