Britaniya, Fransa və Almaniya ABŞ-ın razılaşmadan çıxmasından sonra İrana tətbiq edilmiş sanksiyaların götürülməsini müzakirə edəcəklər.
Modern.az xəbər verir ki, bu barədə Britaniya Xarici işlər naziri Baris Consonun verdiyi bəyanatda bildirilib.
Brüsseldə ABŞ-ın razılaşmadan çıxmasına baxmayaraq Britaniya, Fransa və Almaniya tərəfindən İrana tətbiq edilmiş sanksiyaların mərhələ-mərhələ qaldırılması məsələsinin saxlanılması müzakirə olunacaq.
“Biz İrana tətbiq edilmiş sanksiyaların etap-etap aradan qaldırılmasının saxlanılması variantlarını müzakirə edəcəyik. Bu həm bizim razılaşma çərçivəsində öz öhdəliklərimizi yerinə yetirdiyimizi göstərəcək, həmçinin İranının nüvə proqramına qoyulan məhdudiyyətlərə əməl etməsinə çağıracaq” – Conson bildirib.
O həmçinin ABŞ tərəfini razılaşmada qalan bütün tərəflərə təzyiqlər göstərməkdən çəkinməyə çağırıb.
Əvəz ZEYNALOV
