ABŞ prezidenti Donald Tramp Ermənistanın yeni baş naziri Nikol Paşinyanı yeni vəzifəsi münasibəti ilə təbrik edib.
Modern.az Ermənistan mətbuatına istinadən xəbər verir ki, təbrik məktubunda Tramp Qarabağ məsələsinə də toxunub.
“Sizi bu yaxınlarda seçilməyinizlə əlaqədar təbrik edirəm. Sizinlə qarşılıqlı maraq doğuran bir çox sahələrdə, o cümlədən ticarət əlaqələrinin, demokratik institutların və regional təhlükəsizliyin möhkəmləndirilməsi sahəsində sizinlə birgə səylərimizi səbirsizliklə gözləyirəm. Korrupsiyaya qarşı mübarizə, bütün siyasi partiyaların birliyi və Dağlıq Qarabağ münaqişəsinin sülh yolu ilə həlli bu səylərə kömək edəcək və Ermənistanın parlaq gələcəyini təmin edəcəkdir. Sizə və erməni xalqına ən xoş arzularımla” – Tramp bildirib.
Əvəz ZEYNALOV
