Təyyarə partlayış təhlükəsi səbəbindən təcili eniş etdi. Modern.az “RİA Novosti"yə istinadən xəbər verir ki, "United Airlines" aviaşirkətinə məxsus təyyarə bomba haqqında məlumat yazılmış məktubun aşkar olunmasından sonra İrlandiyada təcili eniş edib. Məlumata görə, məktub təyyarənin tualetindən tapılıb.
Göyərtəsində 214 sərnişin və heyət üzvünün olduğu Romadan Çikaqoya uçan "Boeing 767-300" təyyarəsi İrlandiyanın "Şennon" hava limanına eniş edib. Hava gəmisini "təcili yardım" və yanğınsöndürən maşınlar qarşılayıb.
Təxliyyə olunmuş sərnişinlər yerli otellərə yerləşdirilib. Polis təyyarənin içərisində şübhəli əşya aşkar etməyib.
