Rusiyanın xarici işlər naziri Sergey Lavrov və İranın xarici işlər naziri Məhəmməd Cavad Zərif Vyanada görüşüb.
Modern.az-ın məlumatına görə, görüş zamanı müzakirə olunan əsas mövzular İranın nüvə proqramı ilə bağlı Hərtərəfli Fəaliyyət Planının icrasının davam etdirilməsi və Suriya məsələləri olub.
Qeyd olunur ki, müzakirənin diqqət mərkəzində ABŞ-ın nüvə sazişini tərk etməsindən sonra bu sənədin icrasının davamı yer alıb.
Bu gün həmçinin sazişə üzvü olan digər ölkələrin nazirlərinin görüşü planlaşdırılır.
