Liviyada məcburi köçkün qəsəbəsi atəşə tutulub. Modern.az xarici mediaya istinadən xəbər verir ki, hadisə paytaxt Tripoli yaxınlığında qeydə alınıb.
Məlumata görə, Tavarqa şəhərindən olan 1200 məcburi köçkünün məskunlaşdığı "Əl-Fallyəh" düşərgəsinin minaatanlardan atəşə tutulub. Nəticədə 4 nəfər həlak olub, daha 7 nəfər yaralanıb.
Qeyd edək ki, Liviyanın paytaxtı ətrafındakı cənub və şimal şəhərlərində düşmənçilik edən qruplaşmalar arasındakı döyüşlər artıq bir həftədir səngimir. Toqquşmalar zamanı 40-dan çox insan həlak olub, onlarla yaralı var. Onların əksəriyyəti dinc sakinlərdir.
