Rusiya Federasiyası baş prokurorunun erməni müavini həlak olub.
Modern.az xəbər verir ki, bu haqda Rusiya KİV-ləri məlumat yayıb.
Məlumata görə, Rusiya baş prokurorunun müavini Saak Karapetyan helikopter qəzası nəticəsində ölüb.
Hadisənin Kostroma vilayətinin şimal-qərb istiqamətində qeydə alındığı bildirilir. Qəzada prokuror müavini ilə yanaşı, daha 2 nəfərin həlak olduğu da qeyd edilib.
Erməni mənşəli prokurorun məzuniyyətdə olduğu və istirahət üçün Kostroma vilayətinə səfər etdiyi məlumdur.
Saak Karapetyan 1960-cı ildə Rostov vilayətinin Sovetski xutorunda anadan olub. Onun 17 yaşlı oğlu 2000-ci ildə yol qəzasında ölmüşdü.
