İsrail əsgərləri Qəzza mühasirəsini dəniz yolu ilə keçməyə çalışan 80 fələstinlini yaralayıb. Modern.az xəbər verir ki, İsrail əsgərləri, Qəzza zolağının sərhədindəki Böyük Dönüş Yürüşü nümayişlərində blokadanı pozmaq üçün dəniz hərəkatı təşkil edən fələstinlilərə real güllə və bibər qazı ilə müdaxilə edib.
Fələstin Səhiyyə Nazirliyinin verdiyi açıqlamaya görə, hücumda İsrail əsgərləri 32 nəfəri güllə ilə vurmaqla 80 fələstini yaralayıb.
Həmçinin, açıqlamada nazirlik yaralıların Qəzzadakı xəstəxanalara köçürüldüyünü söyləyib.
Qeyd edək ki, fələstinlilər 30 Mart tarixindən etibarən İsrailin sərhədindəki “Böyük Dönüş Yürüşü” adı altında sülh nümayişlərinə başlayıblar.
