Ölkədə konstitusiya quruluşunun devrilməsində ittiham olunan Ermənistanın ikinci prezidenti Robert Koçaryanın vəkilləri Avropa İnsan Haqları Məhkəməsinə (AİHM) şikayətlə müraciət ediblər. Modern.az xəbər verir ki, Ermənistan KİV-lərinin məlumatına görə, bu məlumatı Koçaryanın vəkili Aram Orbelyan yayıb.
Vəkil artıq şikayətlərinin Avropa İnsan Haqları Məhkəməsinə göndərildiyini bildirib: “Biz baş verənlərin ədalətli məhkəmə istintaqının, məhkəmə müdafiəsinin və hüquqların müdafiəsinin Konvensiyaya uyğun olub-olmaması barədə şikayətlə müraciət etmişik. Hazırda təfərrüatlarını təqdim edə bilmərəm. Baar ertəsi günü bəyanatla çıxış edəcəyik”.
