İranlı general Qasım Süleymanini yaxın həmkarı olan İran komandiri Suriyada öldürülüb.
Modern.az xarici KİV-ə istinadən xəbər verir ki, İran İnqilab Keşikçiləri Ordusunun komandirlərindən biri olan Əsgər Paşaporun Suriyadakı qarşıdurmalar zamanı öldürüldüyü bildirilir.
İran dövlət televiziyasının "İribnews" saytına istinadən verdiyi məlumata görə, Ə.Paşapor dünən Hələbdə Suriya müxalifləri ilə toqquşma nəticəsində dünyasını dəyişib.
Qeyd edək ki, İran mediasının İnqilab Keşikçiləri Ordusuna yaxın mənbələrdən paylaşdığı məlumata görə, bu günə qədər Suriyadakı qarşıdurmalarda İran qüvvələrindən təxminən 2400 adam öldürülüb.
