“Taliban” hərəkatı 60 əfqan hərbçisini azad edib.
Modern.az xarici mediaya istinadən xəbər verir ki, bu barədə “Taliban” radikal hərəkatının Qətər siyasi ofisinin rəsmi nümayəndəsi Məhəmməd Sohail Şahin bildirib.
“Taliban” rəsmisi qeyd edib ki, azad edilənlər arasında Kabil administrasiyasının hərbi qulluqçuları və polisləri də var: "Onlar 20 nəfərlik qruplarla azad edilib. Gələcəkdə yeni qrupları da azad edəcəyik. “Taliban” hələ də öz tərəfdaşlarının Əfqanıstan Prezidenti Əşrəf Qaninin fərmanı əsasında deyil, hər hansı bir şərt olmadan ABŞ-la sülh razılaşması əsasında sərbəst buraxılmasını tələb edir. Biz 5 min məhbusun hamısı eyni anda və ya qısa müddət ərzində azad olunacağı təqdirdə, Əfqanıstan rəsmiləri ilə danışıqlara başlayacağıq”.
