Rusiyada daha 6198 nəfərdə koronavirus (COVİD-19) aşkarlanıb, 47 nəfər virusdan vəfat edib.
Modern.az-ın məlumatına görə, bununla da ölkədə pandemiyaya yoluxanların ümumi sayı 87 147-yə, ölənlərin sayı isə 794-ə yüksəlib.
Rusiyada infeksiyaya yoluxmuş xəstələrdən 7 346-sı sağalıb, 79 007 nəfərin müalicəsi davam edir.
Qeyd edək ki, Rusiya COVİD-19-a yoluxma sayına görə Çini geridə qoyaraq dünya ölkələri arasında 9-cu sırada qərarlaşıb.
Xatırladaq ki, koronavirus ilk dəfə Çinin Uhan şəhərində aşkar edilib. Çindən vüsət götürən virus dünyanın 210 ölkə və ərazisinə yayılıb. Ümumdünya Səhiyyə Təşkilatı koronavirusu pandemiya elan edib. Hazırda 9 ölkə COVİD-19-a youlxma sayına görə Çini geridə qoyub.
T.İSMAYIL
