ABŞ-da yeni növ koronavirusa (COVİD-19) yoluxanların sayı 1 milyonu ötüb.
Modern.az worldometers.info-ya istinadla xəbər verir ki, aprelin 27-si saat 23:15-ə olan son məlumata əsasən Birləşmiş Ştatlarda daha 13 281 nəfərdə infeksiya aşkarlanıb. Bununla da ölkədə pandemiyaya yoluxanların sayı 1 000 441-ə yüksəlib.
Qeyd edək ki, ABŞ-da koronavirusdan ölənlərin sayı 56 286, xəstəlikdən sağalanların sayı isə cəmi 137 465 nəfərdir.
Xatırladaq ki, bu gün dünyada COVİD-19-a yoluxanların sayı 3 milyonu ötüb. Onlardan 1 milyonu təkcə ABŞ-ın payına düşür. ABŞ koronavirusa yoluxma və pandemiya qurbanlarının sayına görə dünya lideridir.
T.İSMAYIL
