Azərbaycanın işğal altındakı Qarabağ torpaqlarında COVİD-19-a yeni yolxuma halları aşkar olunub.
Modern.az Ermənistan KİV-nə istinadən xəbər verir ki, ötən gün daha 10 nəfərdə COVİD-19 olması müəyyənləşib. Onların 4-si Xankəndi, 6-sı isə Əsgəran ərazisində məskunlaşmış ermənilərdə aşkar olunub.
Beləliklə, koronavirusa yoluxanların ümumi sayı Qarabağda 183 nəfərə çatıb. Onlardan 144-ü sağalıb.
Hazırda Laçın, Kəlbəcər, Xankəndi, Xocalı və Tərtər rayonunun işğal altındakı ərazilərində virus ocaqları mövcuddur.
