Gürcüstanda son günlərdə koronavirusa yoluxma hallarının artmasına görə, toy və yas mərasimlərinin keçirilməsinə məhdudiyyətlər tətbiq edilməyə başlayıb.
Modern.az yerli KİV-ə istinadən xəbər verir ki, bu barədə Hökumətlərarası Koordinasiya Şurasının qərarında deyilir.
Hökumət rəsmisi Natya Mezvrişvili qadağaların sentyabrın 10-dan qüvvədə olacağını bildirib.
Xatırladaq ki, bu günə qədər Gürcüstanda 1773 nəfər COVID-19-a yoluxub. Onlardan 1321 nəfər sağalıb, 390 nəfər müalicə alır, 19 nəfər isə vəfat edib.
