Ermənistanda antisemitizmin növbəti dalğası yaşanır.
Modern.az xəbər verir ki, Yerevanın mərkəzindəki yəhudi soyqırımı qurbanlarının xatirəsinə ucaldılan abidəni təhqir ediblər. Erməni millətçiləri abidənin ivrit dilində Holokost qurbanlarına həsr olunmuş hissəsinə qırmızı boya töküblər.
Amma kompozisiyanın erməni dilindı olan hissəyə toxunmayıblar.
Xatırladaq ki, Yerevanda Holokost qurbanları üçün ucaldılan abidəyə əvvəllər də hücumlar olub. 2020-ci ilin avqustunda abidənin üzərinə “yəhudilərə ölüm” şüarı və faşist işarələri vurulmuşdu. Hüquq-mühafizə orqanları baş verənlərə görə heç kəsi məsuliyyətə cəlb etməyib.
