İndoneziyada Napaleon Bonapart adlı polis general müfəttişi rüşvətə görə saxlanılıb və həbsxanaya salınıb.
Modern.az xarici KİV-ə istinadla xəbər verir ki, Cakartanın Korrupsiyaya qarşı Məhkəməsinin hökmünə əsasən, polis zabiti yarım ildə 370 min ABŞ dolları və 200 min Sinqapur dolları məbləğində rüşvət alıb.
O, bu cinayətinə görə, 4,5 il müddətinə həbs cəzasına məhkum edilib.
Napoleon Bonapart bu pulların müqabilində rüşvətxorluqda ittiham edilərək axtarışa verilən şəxsin ölkəyə qayıtmasına kömək edib.
