Ermənistanda seçki təşviqatı rəsmən başladı - 22 partiya, 4 blok... - SİYAHI | Modern.az

Ermənistanda 20 iyunda keçiriləcək erkən parlament seçkilərinin təşviqat kampaniyası rəsmən başlayıb.

Kampaniya iyunun 18-dək davam edəcək, bundan sonra "sükut günü" olacaq. Səsvermə iyunun 20-də keçiriləcək.

Modern.az Ermənistan mediasına istinadən xəbər verir ki, seçkilərdə iştirak etmək üçün rekord sayda 26 siyasi qüvvə (22 partiya və 4 blok)  qeydiyyatdan keçib.

Ermənistanda ümumi seçicilərin sayı 2 milyon 581 min 93 nəfərdir.

Seçkilərə qatılan siyasi qüvvələrin siyahısı bülletenlərdəki nömrəyə görə aşağıdakı kimidir:

1. 1. "Ədalətli Ermənistan" Partiyası
   
   
2. 2. Erməni Milli Konqresi
   
   
3. 3. "Vətəndaş müqaviləsi" Partiyası
   
   
4. 4. "Zartonk" Milli Xristian Partiyası ("Oyanış")
   
   
5. 5. "Azadlıq" Partiyası
   
   
6. 6. "Mənim şərəfim var" bloku
   
   
7. 7. "Birləşmiş Vətən" Partiyası
   
   
8. 8. "Ümumerməni Milli Dövlətçiliyi" Partiyası
   
   
9. 9. "Maariflənmiş Ermənistan" Partiyası
   
   
10. 10. "Bizim evimiz Ermənistandır" Partiyası
    
    
11. 11. Respublika Partiyası
    
    
12. 12. "Erməni Vətəni" Partiyası
    
    
13. 13. "Azad Vətən" bloku
    
    
14. 14. "Çiçəklənən Ermənistan" Partiyası
    
    
15. 15. Ermənistan Demokratik Partiyası
    
    
16. 16. "Milli Mühafizəkar Hərəkat 5165" Partiyası
    
    
17. 17. "Vətəndaş seçimi" Sosial-Demokrat Partiyası
    
    
18. 18. “Şirinyan-Babajanyan Demokratlar İttifaqı” bloku
    
    
19. 19. "Milli Gündəm" Partiyası
    
    
20. 20. “Oyanış” Partiyası
    
    
21. 21. Liberal Partiya
    
    
22. 22. "Erməni Qartalları - Birləşmiş Ermənistan" Partiyası
    
    
23. 23. Ermənistanın Avropa Partiyası
    
    
24. 24. "Hayastan" ("Ermənistan") bloku
    
    
25. 25. "Milli Demokrat Qütbü" Partiyası
    
    
26. 26. "Suveren Ermənistan" Partiyası

Ekspertlər “Vətəndaş müqaviləsi” Partiyası (lideri - Nikol Paşinyan), “Hayastan” bloku (Robert Köçəryan), "Mənim şərəfim var" bloku (Serj Sarkisyanın dəstəyi ilə Artur Vanetsyan), “Çiçəklənən Ermənistan” Partiyasının (Gagik Tsarukyan) seçkilərdəki imkanlarını daha geniş qiymətləndirirlər.

Həmçinin, "Maariflənmiş Ermənistan" (Edmon Marukyan) və "Erməni Milli Konqresi"nin (Levon Ter-Petrosyan) də parlamentdə yer ala biləcəyi qeyd edilir.