Böyük Britaniyada Şahzadə Filipin xatirəsinə hörmət əlaməti olaraq hazırlanan sikkələrin təqdimat mərasimi olub.
Modern.az "BBC"yə istinadla xəbər verir ki, məhdud sayda hazırlanan 5 funt sterlinq sikkələr “Royal Mint” (Kral Nanəsi) sikkəxanası tərəfindən hazırlanıb.
Sikkədə "Edinburq Hersoqu Şahzadə Filip 1921-2021" yazısı və Filip təsvir olunub.
“Şahzadə Filipin Hərbi Dəniz Qüvvələrindəki xidmətini, kraliçaya və krallıq vəzifələrinə sarsılmaz fədakarlığını nəzərə alaraq Silahlı Qüvvələr Günündə sikkəni təqdim etdiyim üçün qürur duyuram”, - deyə Kansler Rişi Sunak bildirib.
Rəssam Yan Rank-Broadli tərəfindən hazırlanan sikkə qanuni ödəniş vasitəsidir və dövriyyəyə buraxılmayacaq.
Şahzadə Filip 1952-ci ildən 1999-cu ilə qədər (47 il) Kral Nanəsi Məsləhət Komitəsinin prezidenti vəzifəsində çalışıb.
Qeyd edək ki, bu gün Böyük Britaniyada Silahlı Qüvvələr Günü kimi qeyd olunur.
