Haitinin 53 yaşlı prezidenti Covenel Moise evində güllənərək öldürülüb.
Modern.az xarici KİV-lərə istinadən xəbər verir ki, bu barədə baş nazir vəzifələrini yerinə yetirən Klod Cozef məlumat yayıb.
Onun sözlərinə görə, prezidentin iqamətgahı yerli vaxtla gecə saat 01:00-də naməlum şəxslərin silahlı hücumuna məruz qalıb.
Hücum zamanı ölkənin birinci xanımı Martine Moiz də yaralanıb. Dövlət başçısına tibbi yardım göstərilsə də, onun həyatını xilas etmək mümkün olmayıb. Xanımı Martin Moiz isə hazırda xəstəxanada müalicə olunur.
