ABŞ-ın Massaçusets ştatında, Boston şəhərinin Dorçester bölgəsində baş vermiş atışma nəticəsində azı 4 nəfər yaralanıb.
Modern.az TASS-a istinadən xəbər verir ki, bu barədə “NBC” telekanalı yerli polisə istinadən məlumat yayıb.
Məlumata görə, hadisə yerli vaxtla təxminən saat 18:00-da (Bakı vaxtı ilə saat 02:00) baş verib. Atışma nəticəsində dörd nəfərin yaralandığı açıqlanıb. Yaralılar xəstəxanaya yerləşdirilib.
İnsidentlə əlaqədar hələlik heç kim saxlanılmayıb. Hadisə ilə bağlı istintaq davam edir.
