Avropa Şurasının prezidenti Şarl Mişelin rəhbərlik etdiyi nümayəndə heyətinin bu gün və sabah Ermənistana səfər edəcəyi barədə xəbər yayılıb.
Modern.az-ın məlumatına görə, xəbəri Ermənistanın “Joğovurd” qəzeti yayıb.
Qəzet son zamanlar yüksək rütbəli Qərb rəsmilərinin Ermənistan Respublikasına səfərinin artdığına diqqət çəlib.
Xəbərdə o da qeyd edilir ki, hazırda Ermənistanın xarici siyasətindəki ciddi dəyişiklik gündəmin əsas mövzularından biridir və Armen Qriqoryanın bu səfərdən əvvəl xarici işlər nazirinin birinci müavini təyin edilməsi təsadüfi deyil.
