"Taliban" qiyamçıları bu gün Əfqanıstanın cənub-qərbində yerləşən Nimroz vilayətinin inzibati mərkəzi olan Zaranc şəhərini ələ keçirib.
Modern.az xəbər verir ki, bu barədə BBC telekanalı yerli mənbələrə istinadən məlumat yayıb.
Beləliklə, "Taliban" illər ərzində ilk dəfə bir vilayətin inzibati mərkəzini ələ keçirib. Hökumət hələ bu mövzuda rəsmi açıqlama yaymayıb, lakin yerli məmurlar telekanala açıqlama verərək məlumatı təsdiqləyiblər.
Qeyd edək ki, ölkənin İran sərhədi yaxınlığında yerləşən Zaranc şəhəri əhəmiyyətli ticarət mərkəzidir.
