İranda son sutkada 41 min 194 nəfər virusa yoluxub, yoluxanlardan 655-i dünyasını dəyişib.
Modern.az xəbər verir ki, bu barədə ölkənin Səhiyyə Nazirliyi məlumat yayıb.
Bununla da İranda virusa yoluxanların ümumi sayı 4 milyon 467 min 15 nəfər, ölənlərin sayı isə 98 min 483-ə çatıb. Bu günədək xəstəxanalarda müalicə alan 3 milyon 757 min 157 nəfər sağalaraq evə buraxılıb.
Xatırladaq ki, İranda koronavirus hallarının artması ilə ölkədə sərt karantin rejimi tətbiq edilib.
