“Taliban terrorçuları qarşısında heç vaxt baş əyməyəcəyəm və onlarla bir səmanın altında yaşamaq niyyətində deyiləm”.
Modern.az xəbər verir ki, bunu Əfqanıstanın vitse-prezidenti Əmrullah Saleh deyib.
O, sosial şəbəkələr vasitəsilə xalqa müraciət edərək əfqanları taliblərə qarşı mübarizəyə çağırıb.
Yerli KİV-də yayılan məlumata görə, Ə.Saleh özünə sadiq silahlı dəstə ilə Pəncşər vilayətinə çəkilib. O, əfsanəvi səhra komandiri Əhməd Şah Məsudun oğlunun rəhbərlik etdiyi silahlı dəstəyə qoşulub.
