ABŞ Prezidenti Co Baydenə göstərilən ictimai dəstək vəzifəyə başlamasından sonra ilk dəfə 50%-dən aşağı düşüb.
Modern.az xəbər verir ki, bu barədə “FiveThirtyEight” araşdırma şirkətinin bu həftə dərc etdiyi sorğunun nəticələrində qeyd olunub.
Martın sonunda 55, iyulun sonunda isə 52,6 % olan dəstək son həftədə 49.3%-ə enib.
“Reuters/Ipsos”un isə həftəlik sorğusuna əsasən, keçən həftə Baydenə göstərilən dəstək 53% olduğu halda, son həftədə 46% təşkil edib.
Tədqiqat şirkətləri azalmaya səbəb kimi yeni növ koronavirusun (COVID-19) “Delta” ştammının geniş yayılması və “Taliban”ın Əfqanıstanın paytaxtı Kabili nəzarət altına almasını göstərir.
Ülfan İsmayılov
