“Taliban” Kabilə girdiyi vaxtdan başlayaraq səfirliklərdə və humanitar təşkilatlarda işləmiş 12 minə yaxın əfqan və əcnəbi Əfqanıstanı tərk edib.
Modern.az xəbər verir ki, bu barədə NATO-nun nümayəndəsi bildirib.
“Təxliyə prosesi ləng gedir, belə ki, bu, risklidir. Biz aeroportdan kənarda taliblərlə, yaxud mülki əhali ilə heç bir toqquşma istəmirik”, - deyə nümayəndə qeyd edib.
Xatırladaq ki, avqustun 15-də “Taliban” hərəkatının döyüşçüləri paytaxt Kabilə döyüşsüz daxil olaraq şəhəri tam nəzarətə götürüb.
