Dünyada COVID-19 virusuna qarşı vurulan peyvənd dozalarının sayı 5 milyardı ötüb.
Modern.az xəbər verir ki, dünya ölkələri arasında ən çox vaksinasiya Çində aparılıb. Bu ölkədə 1 milyard 990 milyon doza vaksin vurulub.
İkinci və üçüncü yerlərdə qərarlaşan Hindistanda 582 milyon 240 min, ABŞ-da 363 milyon 270 min doza peyvənd vurulub.
Vurulan vaksin dozalarının sayına görə ilk onluğa Braziliya (178 milyon 550 min), Yaponiya (118 milyon 310 min), Almaniya (99 milyon 630 min), İndoneziya (89 milyon 830 min), Türkiyə (89 milyon 812 min), Böyük Britaniya (89 milyon 500 min) və Fransa (83 milyon 940 min) daxildir.
