Gürcüstan Vahid Milli Hərəkat Partiyası parlament fəaliyyətindən imtina edib.
Modern.az xəbər verir ki, bu barədə Gürcüstan mətbuatı məlumat yayıb.
Partiyanın nümayəndəsi Nika Oboladze Saakaşvili azad olunana və Konstitusiya dəyişiklikləri edilənə qədər deputatların parlamentə gəlməyəcəklərini bildirib.
“Biz parlamentdə fəaliyyətimizi dayandırırıq, amma mandatlardan imtina təxirə salınıb. İndi diqqəti etirazlara yönəldirik ki, onlar kəskin olsun və son nəticədə hökuməti ölkəni idarə edərkən çoxluğun iradəsini nəzərə almağa məcbur olsun”.
Qeyd edək ki, VMHP-nın qurucusu, həbsdə olan eks-prezident Mixail Saakaşvili partiyanın parlament fraksiyasını parlamentin işini boykot etməyə, eyni zamanda, mandatlardan imtina etməməyə çağırmışdı. VMH fraksiyasının bu addımına Lelo Partiyası da qoşulub.
