Türkiyənin TUSAŞ şirkəti tərəfindən istehsal edilən TF-X adlı yerli döyüş təyyarəsi 2023-cü ildə təqdim ediləcək.
Modern.az xəbər verir ki, bu barədə Türkiyə Prezidenti Rəcəb Tayyib Ərdoğan məlumat verib.
O bildirib ki, milli döyüş təyyarəsi 2025-ci ildə ilk uçuşunu həyata keçirəcək.
"Milli döyüş təyyarəmiz Hərbi Hava Qüvvələrimizin vurucu gücü olaraq, 2029-cu ildə göylərə qalxacaq" , – deyə Ərdoğan vurğulayıb.
Qeyd edək ki, şirkət bu gün döyüş təyyarəsi üçün istehsal edilən ilk komponentləri nümayiş etdirib.
Akif İsmayılov
