Qazaxıstanda Kollektiv Təhlükəsizlik Müqaviləsi Təşkilatının (KTMT) sülhməramlı qüvvələrinin fəaliyyətinə rəhbərlik edəcək şəxsin adı məlum olub.
Modern.az xəbər verir ki, Rusiya Müdafiə Nazirliyinin mətbuat xidmətinin məlumatına görə, KTMT-nin Qazaxıstandakı sülhməramlılarına Rusiya Silahlı Qüvvələrinin Hava-Desant Qüvvələrinin komandanı, general-polkovnik Andrey Serdyukov rəhbərlik edəcək.
Andrey Serdyukov 1-ci və 2-ci Çeçen Müharibələrinin, Hərbi Hava Qüvvələrinin birləşmiş batalyonunun Priştinaya (Kosovo) yürüşünün və Rusiyanın Suriyadakı hərbi əməliyyatının iştirakçısıdır...
Hərbi heyətin Qazaxıstana göndərilməsində Rusiyanın 75 hərbi-nəqliyyat təyyarəsi iştirak edir. Rusiya Hərbi Hava Qüvvələrinin 45-ci Əlahiddə Ümumqoşun Briqadasının, 98-ci Hava Desant Diviziyasının və 31-ci Əlahiddə Briqadasının bölmələri Qazaxıstana göndərilib.
Sülhməramlılar son sutkada Qazaxıstanın hüquq-mühafizə orqanlarına Almatı hava limanına tam nəzarəti ələ keçirməyə kömək ediblər.
