Avstraliya hakimiyyəti ölkənin aborigen bayrağının hüququnu 14 milyon dollara satın (20 milyon Avstraliya dolları) alıb.
Modern.az xəbər verir ki, bu barədə “ABC News” məlumat yayıb.
Qeyd olunur ki, bundan sonra bu rəmz milli bayraq kimi sərbəst istifadə oluna bilər.
Bayraq qırmızı və qara olmaqla iki rənglidir, mərkəzdə sarı dairə var. Rəssam Harold Tomas tərəfindən hazırlanıb və 2018-ci ildə “WAM Clothing” şirkəti tərəfindən alınıb.
Telekanal qeyd edir ki, şirkət bayrağın istənilən istifadəsi üçün ödəniş və icazə tələb edib.
Avstraliyanın baş naziri Skott Morrisonun sözlərinə görə, bayraqdan istifadə artıq hamı üçün pulsuz olacaq, lakin ona Avstraliya bayrağı kimi hörmət və ləyaqətlə yanaşılmalıdır.
Akif İsmayılov
