Ukrayna Prezidenti Volodimir Zelenski Kiyevin Borispol aeroportunda güc strukturlarının rəhbərləri ilə müşavirə keçirib.
Modern.az xəbər verir ki, bu barədə Ukrayna Prezidentinin Ofisi məlumat yayıb.
Bildirilib ki, Zelenski müdafiə və təhlükəsizlik strukturlarının rəhbərlərinin hesabatlarını dinləyib. Prezident ordunun döyüş hazırlığı vəziyyəti barədə məlumat alıb.
Müşavirə iştirakçıları hadisələrin mümkün inkişaf ssenarilərini müzakirə edərək hər bir situasiya üzrə atılacaq addımları müəyyənləşdiriblər. Prezident ordunun maddi-texniki təchizatını gücləndirməyi tapşırıb.
