NATO ölkələrinin liderləri Ukraynaya siyasi və praktiki dəstəyi davam etdirəcəklərinə söz veriblər. Bundan əlavə, digər ölkələri də eyni addımı atmağa çağırıblar.
Modern.az xəbər verir ki, bu barədə NATO-nun bu gün keçirilən zirvə toplantısı ilə bağlı bəyanatında deyilir.
"Biz Ukraynaya siyasi və praktiki dəstək verməyə davam edəcəyik, digərlərini də eyni addımı atmağa təşviq edirik", - deyə bəyanatda qeyd olunub.
NATO-ya üzv ölkələr Ukraynanın beynəlxalq ictimaiyyət tərəfindən tanınan sərhədləri, suverenliyi və ərazi bütövlüyünə dəstəylərini ifadə ediblər. Bildirilib ki, bu fundamental mövqe heç vaxt dəyişməyəcək.
Qeyd edək ki, bu gün NATO-ya üzv ölkələrin hökumət və dövlət başçılarının sammiti keçirilib. İclasda Ukraynadakı vəziyyət müzakirə olunub.
