Türkiyənin “Baykar” şirkəti tərəfindən tamamilə yerli və milli imkanlarla hazırlanan “Bayraktar AKINCI” TİHA-nın B modelinin ilk test uçuşu müvəffəqiyyətlə yerinə yetirilib.
Modern.az xəbər verir ki, bununla bağlı “Baykar” şirkətinin texniki direktoru Selçuk Bayraktar sosial şəbəkə hesabında paylaşım edib.
Bildirilib ki, Bayraktar AKINCI B sinfinin ən güclü və döyüş qabiliyyəti ən yüksək döyüş təyyarəsi kimi xidmət edəcək.
Türkiyənin Tekirdağ vilayətinin Çorlu rayonunda yerləşən Tədris və Test Mərkəzində həyata keçirilən sınaq uçuşu zamanı TİHA 1 saat 16 dəqiqə havada qalıb.
