Rusiyanın Ukraynaya qarşı başlatdığı müharibənin əvvəlindən bəri Kiyev sakinlərinin yarısı şəhəri tərk edib.
Modern.az UNIAN-a istinadən xəbər verir ki, bu barədə Kiyev şəhərinin meri Vitali Kliçko bildirib.
Mer qeyd edib ki, paytaxtın hər iki sakinindən biri şəhərdən çıxıb: "Burada iki milyondan bir qədər az sakin qalıb. Bununla belə, şəhər qalaya çevrilib. Hər bir küçə, hər bina, hər blok-post möhkəmləndirilir”.
Kliçkonun sözlərinə görə, kiyevlilər şəhərdən ailələrini çıxarır, özləri isə geri dönürlər.
