Rusiya Avrasiya İqtisadi İttifaqı ölkələrinə taxıl bitkilərinin ixracına müvəqqəti qadağa qoyub.
Modern.az xəbər verir ki, bu barədə Rusiya mətbuatı məlumat yayıb.
Bildirilir ki, qadağa buğda, çovdar, arpa və qarğıdalı məhsullarını əhatə edəcək və 31 avqust tarixinədək qüvvədə olacaq.
Rusiyanın qadağa qoyduğu ölkələr arasında Ermənistan da yer alıb.
Xatırladaq ki, Qazaxıstan, Rusiya, Ermənistan, Belarus və Qırğızıstanın təmsil olunduğu Avrasiya İqtisadi İttifaqı 2014-cü ilin mayında yaradılıb.
