Ukraynanın Melitopol şəhərinin meri İvan Fedorov Rusiya hərbçiləri tərəfindən qaçırılıb.
Modern.az xəbər verir ki, bu barədə Ukrayna daxili işlər nazirinin müşaviri Anton Geraşenko teleqram kanalında bildirib.
Məlumata görə, şəhər merini 10 rusiyalı hərbçi qaçırıb. Hazırda onun harada olduğu bilinmir.
Qeyd edək ki, bundan əvvəl İvan Fedorov Rusiya ilə əməkdaşlıq təklifini rədd edib və şəhərin humanitar fəlakətin astanasında olduğunu bildirib. Rusiyalı hərbçilər onu böhran mərkəzindən naməlum istiqamətdə aparıblar.
