"Graphics Interchange Format" (GIF) qrafik rəqəmsal şəkillərinin yaradıcısı Stiven Uilhayt vəfat edib.
Modern.az-ın xarici KİV-lərə istinadən verdiyi məlumata görə, 74 yaşlı Uilhayt ABŞ-da dünyasını dəyişib.
Onun koronavirus infeksiyasından öldüyü həyat yoldaşı Katalin təsdiqləyib.
Qeyd edək ki, "GIF" formatı S.Uilhaytın 1987-ci ildə CompuServe şirkətində çalışdığı vaxtda hazırlanıb. 2013-cü ildə S.Uilhayt İnternetin inkişafına verdiyi töhfəyə görə "Webby" mükafatına layiq görülüb.
