Mariupol hakimiyyəti rus qüvvələrinin mühasirədə olan cənub-şərq liman şəhərinin bəzi hissələrini ələ keçirməsindən sonra təxminən 15 min dinc sakinin qanunsuz olaraq Rusiyaya deportasiya edildiyini bildirib.
Modern.az xəbər verir ki, bununla bağlı Mariupol Şəhər Şurası bəyanat yayıb.
“Sol sahil rayonunun sakinləri kütləvi şəkildə Rusiyaya deportasiya olunmağa başlayır. Ümumilikdə 15 minə yaxın Mariupol sakini qeyri-qanuni deportasiyaya məruz qalıb" - bəyanatda deyilir.
Bundan əlavə, Rusiya qüvvələrinin deportasiya zamanı ukraynalıların pasportlarını və digər sənədlərini ələ keçirdiyinə dair sübutların olduğu diqqətə çatdırılıb.
