Rusiyanın cənub və mərkəzi hava limanlarının fəaliyyətinə müvəqqəti məhdudiyyətlər rejiminin aprelin 7-dək uzadılması təsdiqlənib.
Modern.az xəbər verir ki, bu barədə Rusiyanın Federal Hava Nəqliyyatı Agentliyi (Rosaviatsiya) məlumat yayıb.
“7 aprel 2022-ci il, Moskva vaxtı ilə saat 03:45-dək Anapa, Belqorod, Bryansk, Voronej, Gelencik, Krasnodar, Kursk, Lipetsk, Rostov-na-Donu, Simferopolda hava limanlarının fəaliyyətinə müvəqqəti məhdudiyyətlər rejimi uzadılıb”, - mesajda deyilir.
Agentliyin məlumatına görə, Rusiyanın digər aeroportları, o cümlədən beynəlxalq hava limanları adi rejimdə işləyir.
Xatırladaq ki, fevralın 24-də Rusiyanın cənubunda hava məkanı bağlanıb.
