Ukrayna ilə danışıqlarda Rusiya nümayəndə heyətinin rəhbəri, prezidentin köməkçisi Vladimir Medinski dünən keçirilən İstanbul danışıqlarının təfərrüatlarını açıqlayıb.
Modern.az xəbər verir ki, o, Ukraynanın Rusiyanın fundamental tələbləri ilə “prinsipcə” razılaşdığını bildirib.
"Dünən uzun illərdən sonra ilk dəfə olaraq Kiyev hakimiyyəti Rusiya ilə razılığa gəlməyə hazır olduqlarını bəyan etdi. Onlar bizə gələcək mümkün müqavilənin kağız üzərində yazılmış prinsiplərini təhvil verdilər", - deyə Medinski qeyd edib.
Onun sözlərinə görə, bu prinsiplər aşağıdakılardır:
1. Ukraynanın neytral statusunun müəyyənləşdirilməsi, NATO-ya daxil olmaqdan imtina edilməsi;
2. Nüvə silahlarından və digər kütləvi qırğın silahlarından imtina edilməsi;
3. Ölkə ərazisində xarici hərbi bazaların və hərbi kontingentlərin yerləşdirilməsindən imtina edilməsi;
4. Hərbi təlimlərin yalnız qarant dövlətlərin, o cümlədən Rusiyanın razılığı ilə keçirilməsi.
Akif İsmayılov
