Yaponiya hökuməti Ukraynaya əlavə 100 milyon dollar humanitar yardım göstərəcək.
Modern.az xəbər verir ki, bu barədə Yaponiya Xarici İşlər Nazirliyi məlumat yayıb.
Nazirlikdən bildirilib ki, martın 11-dən bəri Ukraynaya ayrılan humanitar yardımın ümumi məbləği 200 milyon dollara çatdırılacaq.
“Yaponiya hökuməti beynəlxalq ictimaiyyət, o cümlədən G7 üzvləri ilə əməkdaşlıq edərək, çətinliklə üzləşən Ukrayna xalqına dəstək verməyə və onların yanında olmağa davam edəcək”, - bəyanatda deyilir.
Nazirlikdən verilən məlumata görə, vəsait alan doqquz beynəlxalq təşkilat arasında BMT-nin Qaçqınlar üzrə Ali Komissarlığı (UNHCR) və Beynəlxalq Qızıl Xaç Komitəsi (BQXK) də var.
