Avropa İttifaqı Rusiyaya qarşı beşinci sanksiyalar paketini hazırlayır.
Modern.az xəbər verir ki, bu barədə Avropa Komissiyasının rəhbəri Ursula fon der Leyen məlumat verib.
O, yeni sanksiyalar paketini təqdim edib. Yeni sanksiya paketinə aşağıdakılar daxildir:
"Rusiya gəmilərinə və Rusiya operatorları tərəfindən idarə olunan gəmilərə Avropa İttifaqı limanlarına giriş qadağası, həmçinin Rusiya və Belarus avtomobil nəqliyyatı operatorlarına məhdudiyyətlər
Rusiyanın dörd əsas bankı, o cümlədən Rusiyanın ikinci ən böyük bankı olan VTB ilə əməliyyatlara tam qadağa
Rusiyadan ildə 4 milyard avro dəyərində kömür idxalına qadağa
Kritik sahələrdə: qabaqcıl yarımkeçiricilər, maşınlar və nəqliyyat avadanlığı üçün əlavə 10 milyard avro dəyərində ixrac qadağaları
Rusiya şirkətlərinin Aİ-də dövlət satınalmalarında iştirakına qadağa qoyulması və Rusiyanın dövlət orqanları üçün həm Avropa, həm də milli maliyyə dəstəyinin istisna edilməsi kimi məqsədyönlü tədbirlər"
"Biz, həmçinin əlavə sanksiyalar, o cümlədən neft idxalı üzərində işləyirik və üzv dövlətlərin bəzi ideyaları, məsələn, vergilər və ya xüsusi ödəniş kanalları, depozit hesabı üzərində düşünürük", - AK rəhbəri əlavə edib.
