Rusiyanın turizm şirkətləri yay mövsümü ilə əlaqədar tur paketləri üzərində çalışır.
Modern.az Rusiya KİV-lərinə istinadən xəbər verir ki, müharibə şəraitinə baxmayaraq, onlar turizm potensialını artırmağa çalışırlar. Ümumilikdə Rusiyaya tətbiq edilən sanksiya və qadağalardan dolayı ölkə vətəndaşları cəmi 12 ölkədə istirahət edə biləcəklər.
Maraqlısı budur ki, təklif edilən ölkələr sırasında Azərbaycanın da adı yer alıb. Bildirilib ki, Rusiyadan Birləşmiş Ərəb Əmirlikləri (BƏƏ), Azərbaycan, Türkiyə, Ermənistan, Tailand, Qətər, Misir, Maldiv adaları, Seyşel adaları, Şri-Lanka, İndoneziya (Bali), Serbiya və birbaşa və ya üçüncü ölkələrlə reyslər təklif edir.
Həmçinin bildirilib ki, aprelin 9-dan sonra Rusiyanın dünyanın 52 ölkəsinə, o cümlədən çarter reyslərinə mövcud COVID məhdudiyyətlərini aradan qaldırması səbəbindən ölkələrin siyahısı genişlənə bilər.
