Pakistanın sabiq Baş naziri İmran Xan daxil olmaqla ölkə parlamentinin 123 deputatı istefa verib.
Modern.az xəbər verir ki, bu barədə Pakistan Milli Assambleyasının sədr müavini Qasim Suri məlumat verib.
Onun sözlərinə görə, deputatların istefaları qəbul edilib.
İmran Xan "Twitter" hesabında ABŞ-ın başlatdığı rejim dəyişikliyinə qarşı qəti mövqe sərgiləyərək istefa verən deputatlara təşəkkür edib.
Xatırladaq ki, bu yaxınlarda Pakistanda hakimiyyət dəyişikliyi olub. İmran Xan hakimiyyətdən kənarlaşdırılıb, onun postuna 70 yaşlı müxalifət lideri Şahbaz Şərif gətirilib.
Akif İsmayılov
