Rusiyanın hücumları zamanı böyük itkilər verən Ukraynanın Buça şəhərində dəhşətli vəziyyət yaranıb.
Modern.az xəbər verir ki, şəhərin küçələrində və evlərdə ölmüş vəziyyətdə tapılan mülki şəxslərin kimliyini müəyyən etmək üçün onların cəsədləri meyitxanalara daşınır. Lakin xəstəxana meyitxanasında boş yer qalmadığından cəsədlər nömrələnərək soyuducu anbarı olan yük maşınlarına yığılır.
Qeyd edək ki, Rusiya ordusunun hücumları nəticəsində Buçada 400-dən çox mülki sakin qətlə yetirilib. Ukrayna tərəfi Rusiyanın törətdiyi qətliamı soyqırımı kimi qiymətləndirir. Moskva isə iddiaları rədd edərək, Buçada qətliam törətmədiklərini bildirib.
