Xüsusi əməliyyatda iştiraka görə mükafatlandırılan Rusiyanın bütün hərbçiləri haqqında məlumat zamanla açıqlanacaq.
Modern.az xəbər verir ki, bu barədə Rusiya Federasiyası Prezidentinin mətbuat katibi Dmitri Peskov jurnalistlərə müsahibəsində bildirib. O qeyd edib ki, mükafatlandırılan hərbçilərdən bəziləri artıq məlumatlandırılıb.
“Onların sayı daha çoxdur, təbii ki, bütün bu məlumatlar ictimaiyyətə açıqlanacaq, bizim qəhrəmanlarımızı tanımağa haqqımız var və biz artıq çoxlarını tanıyırıq”, - Kreml sözçüsü bildirib.
“Biz şübhə etmirik ki, zaman keçdikcə biz və gələcək nəsillərimiz bütün ən gözəl, ən mühüm qəhrəmanlıq hekayələrini öyrənəcəyik”, - deyə Peskov əlavə edib.
