İraqın şimalında yerləşən Ərbil şəhərindəki neft emalı zavodunun yaxınlığına altı raket düşüb.
Modern.az xəbər verir ki, bu barədə "Reuters" agentliyi yerli rəsmilərə istinadən məlumat yayıb.
Bildirilir ki, raketlər Neynəva əyalətindən buraxılıb və KAR neft emalı zavodunun yaxınlığında düşüb.
İtkilərin olub-olmaması barədə məlumat verilməyib.
Qeyd edək ki, bundan əvvəl aprelin 6-da zavodun yaxınlığında 3 raket atılmışdı.
Akif İsmayılov
